Тӱнямбал ӱдырамаш пайремым республикыштына кумдан палемдыме
Тӱнямбал ӱдырамаш пайремым республикыштына кумдан палемдыме. Марий Элым вуйлатыше республикысе ӱдырамаш актив дене вашлийын. Юрий Зайцев ден чолга ӱдырамаш- влак ешлан, еш амалкалче пашалан, поснак ялыште полышым пуымылан, тунемме площадкылам ыштыме да моло йодыш-влакым каҥашеныт. Юрий Зайцев нуным чулымлыкыштлан, пӱсын шогышо йодыш- влакым виктараш тыршымыштлан, илышым йӧнанракым ышташ тӧчымыштлан мокталтен. Погынышо- влакым Тӱнямбал ӱдырамаш кече дене саламлен да награде- влакым кучыктен. «Ачамланде ончылно надырлан» орденын кокымшо степенян медальжым Оршанкысе тӱвыра да каныш рӱдерын специалистше, районысо ветеран- влак советым вуйлатыше Светлана Александрова, «Россий Федерацийын сулло тӱвыра пашаеҥже» Чап лӱмым Звениговысо калык мастар пӧрт гыч марий тӱр студийым вуйлатыше Надежда Майкова, «Марий Эл ончылно надырлан» кокымшо степенян орденым Марий Эл Кугыжаныш Погын вуйлатышын алмаштышыже Лариса Яковлева налыныт, «Передовик» ял озанлык артельын учётчицыже Светлана Вассаевалан Республикым вуйлатышын тауштымашыжым увертарыме. Тыгак икмыняр еҥлан тауштымашан серышым кучыктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
