Марий Элыште Геральдик советын у составшым пеҥгыдемдыме
Марий Элыште Геральдик советын у составшым пеҥгыдемдыме. Республикым вуйлатыше Юрий Зайцев тудын у составше ден положенийжым пеҥгыдемден. Тушко кучемын еҥышт да профилян специалист- влак пуреныт. Советым Правительство председательын икымше алмаштышыже Михаил Васютин вуйлата. Составышке Республикым вуйлатышын администрацийжым вуйлатышын алмаштышыже Рудольф Золотарёв пурен да вуйлатышын алмаштышыже сомылым шукта, секретарьже кугыжаныш правовой виктемын советникше Александр Бурмистров лийын. Кугыжаныш орган деч тыгак кӧргӧ политике, верысе самоуправленийым вияҥдыме да юстиций министр Антон Мирбадалев пурен. Геральдик советын радамыштыже тыгак МарНИИ-н директоржо Людмила Григорьева, Йошкар-Ола художественный училищын директоржо Борис Маклашин, сӱретче- влак ушемым вуйлатыше Анна Санникова, Россий Юрист- влак ассоциацийын верысе пӧлкажын еҥже Зосим Эргубаев улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
