Икымше ноябрьыште Марий парк почылтеш
Икымше ноябрьыште Марий парк почылтеш. Мероприятийыште Пӱтынь марий калыкын 12-шо погынышкыжо толшо делегат-шамыч да официальный еҥ- влак лийыт. Паркым «Илыме вер да оласе кумдык» калыкле проект кышкарыште чоҥымо. Тудым ыштыме годым пайрем да моло мероприятий- влакым эртарыме, еш каныш годым йӧнан лийже манын тыршыме, чыла объектшат калыкле теме дене кылдалтыныт. Кызыт Марий паркыште марий йомакла гыч шым персонажым вераҥдаш свайе- влакым ыштат. Фигуро- влак пу гыч ыштыме улыт. Нуным тений кеҥежым «Марий калыкын легендыже» фестивальым эртарыме годым мастар- влак пу гыч пӱчкеден луктыныт.
