Республикысе клинический эмлыме верын офтальмологий пӧлкаштыже капитально олмыктымо пашам шуктымо
Республикысе клинический эмлыме верын офтальмологий пӧлкаштыже капитально олмыктымо пашам шуктымо. Тудо «Тазалыкаралтыш» калыкле проектын «Первичный звеном модернизироватлымаш» регионысо проектше кышкарыште ышталтын. Тиде пашалан 35 миллион утла теҥгем кучылтмо. Офтальмологий эмлыме верын заведующийже Ирина Абрамован мутшо почеш, пӧлкасе чыла кум пачашыште олмыктымо гына огыл, медицина оборудованийымат уэмдыме. Лишыл жапыште офтальмологий площадкыште офтальмологий кабинетан регионысо эндокринологий рӱдер почылтеш. «Сакыр диабет дене кучедалмаш» федерал проект кышкарыште тудлан 32 миллион теҥеаш оборудованийым налме. Тиде программе кышкарыштак пӧлкан лазер операционныйжо оборудований дене пойдаралтын. Тазалыкаралтыш министерствыште палемдыме почеш, чыла тиде вашталтыш офтальмологий полышын качествыжым саемда.
Фото: Тазалыкаралтыш министерстве.
Фото: Тазалыкаралтыш министерстве.
