Марий Эл Республикын правительствыже, Росреестр ден «Роскадастр» регионышто кусараш лийдыме погым пайдалын кучылтмо нерген соглашенийым пеҥгыдемденыт

Марий Эл Республикын правительствыже, Росреестр ден «Роскадастр» регионышто кусараш лийдыме погым пайдалын кучылтмо нерген соглашенийым пеҥгыдемденыт
            Марий Эл Республикын правительствыже, Росреестр ден «Роскадастр» регионышто кусараш лийдыме погым пайдалын кучылтмо нерген соглашенийым пеҥгыдемденыт. Теҥгече антикризис рӱдерыште Марий Эл Правительстве вуйлатышын сомылжым шуктышо Евгений Курмаев Росреестрым вуйлатышын алмаштышыже Татьяна Громова дене вашлийын. Громова республикыште пого поянлыкым пайдалын кучылташ правовой негызым ямдылаш манын толын. Вашлиймашыште кусараш лийдыме объект- влакым экономике оборотыш пуртымо йодыш тӱҥ лийын. Пашан тӱҥалтыш йыжыҥже семын ЕГРН-ым республикысе кусараш лийдыме пого, тудын озаже, административный да территориальный чекше нерген увер дене пойдарымаш лийшаш. Тиде юридически кӱлешан данный- влак варажым «Кумдык дене кылдалтше данныйын калыкле системыже» единый цифран платформын негызше лийшаш улыт. Совещанийын лектышыже семын Марий Эл Правительстве ден «Роскадастр» публично-правовой компаний коклаште регионысо кусараш лийдыме пого объект- влакым экономике оборотыш пуртымо да тидлан дорожый картым ыштыме шотышто пилот проектым ямдылыме йодыш дене соглашенийым пеҥгыдемдыме. Проектым тенияк Медведево районышто шыҥдараш тӱналыт. Марий Эл Республике тыгай соглашенийым ыштыше луымшо регион лийын. Икымше раш лектыш тений идалык мучашланак пале лийшаш,- каласен Татьяна Громова.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски