Марий Турек районын прокуратурыжо тулык еҥлан пачерым налаш полшен

Марий Турек районын прокуратурыжо тулык еҥлан пачерым налаш полшен
          Марий Турек районын прокуратурыжо тулык еҥлан пачерым налаш полшен. Район прокуратурыш верысе ӱдырамаш тудын илыме вер шотышто праважым пудыртымо нерген йодмашым возен. Рашемын: тудо ийготыш шудымыжо годымак тулыкеш кодын. Закон почеш тулык йоча- влак ийготыш шумеке илыме верым налаш праван улыт. Законын йодмыжым шотыш налде ӱдырлан 18 ийым темымекыже илыме верым пуэн огытыл. Прокурор район администрацийым тулык еҥлан келшыше илыме верым пуыкташ судыш йодмашым возен. Суд прокуратурын йодмашыжым шуктен. Тыге надзор ведомствын ушнымыжлан кӧра ӱдыр йӧнан пачерым налын.
       Фото: Марий Элын прокуратурыжо.

Прошлые выпуски