Сеҥымашын 30-шо идалыкше лӱмеш тӱвыра полатыште вӱд пуч ден батарей- влакым вашталтат

Сеҥымашын 30-шо идалыкше лӱмеш тӱвыра полатыште вӱд пуч ден батарей- влакым вашталтат
             Йошкар-Оласе Сеҥымашын 30-шо идалыкше лӱмеш тӱвыра полатыште вӱд пуч ден батарей- влакым вашталтат. Олан бюджетше Тӱвыра полатын ырыктыме да вӱдым йоктарен колтымо системыжым олмыкташ 12 миллион наре теҥгем ойырен. Кодшо ийын тӱвыра тӧнежыште чыла окнам кызытсе жаплан келшыше пластик янда пакет дене вашталтыме ыле, тений пуч ден ырыктыше радиатор- влакым алмаштат. Подряд организаций кӱлеш материалым наледаш тӱналын. Декабрьыште икымше пашам ышташ тӱҥалыт. Тӱвыра полатым вуйлатыше Маргарита Чулкован мутшо почеш, олмыктымо да пучым вашталтыме пашам йыжыҥын-йыжыҥын, концерт программылам шотыш налын шукташ палемдыме. Олмыктымо паша пуымо услугын качествыжым саемдаш да тӱвыра тӧнежыш коштшо- влакын чотыштым ешараш полша. А шушаш ийын Тӱвыра полат шкенжын 50 ияш лӱмгечыжым палемда.
         Фото: Йошкар-Ола мэрий.

Прошлые выпуски