Инфраструктура проектым шыҥдарымаш умбакыже шуйна

Инфраструктура проектым шыҥдарымаш умбакыже шуйна
               Марий Элыште инфраструктура проектым шыҥдарымаш умбакыже шуйна. Йошкар-Ола ден Медведево посёлко коклаште Черняков урем дене рекреаций зоно чоҥалтеш. Ола инфраструктурым вияҥдыме проект чоҥалтше микрорайонлаште транспорт ситуацийым саемдаш виктаралтын. Черняков урем у илыме комплексла гыч транспортым колтышо да улшо кугорнылашке лукшо тӱҥ рольым шукташ тӱҥалеш. Чоҥымо пашам мучашлымеке тушто парковко вер 174 марте ешаралтеш. Проект почеш тушто тротуар- влак, каныме веран бульвар, йоча модмо площадке- влак лийшаш улыт. Тӱзландарыме годым пушеҥге ден кушкыл- влак шындалтыт. Чыла паша 2025-ше ийлан мучашлалтшаш. Проектын акше 630 миллион теҥге. Паша инфраструктура бюджет кредит кӱшеш шукталтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски