Кеҥежымсе ял спорт модмаште Марий Элын сборный командыже ший призёр лийын
Россий кӱкшытан кеҥежымсе ял спорт модмаште Марий Элын сборный командыже ший призёр лийын. Таҥасымаш Угарман областьыште эртен. Тушко 36 регион гыч спортсмен- влак погыненыт да спортын 7 видше дене таҥасеныт. Марий Элын сборныйжо 250 тӱжем еҥ марте ял калык илыман общекомандный зачётышто кокымшо верыш лектын. Смирновмыт еш Матвей ден Елена механизатор- влакын таҥасымашыштышт ший медальым налыныт. Матвейже пӧръеҥ спортсмен- влак коклаште эн сай лийын. Смирновмыт деч посна мемнан республике гыч Александровмыт, Ельмекеевмыт, Зуевмыт лийыныт. Российысе чыла субъект коклаште командный зачётышто мемнан сборный 13-шо верым налын. Лектышыш надырым пыштымылан командын кажне еҥжылан тауштем да у сеҥымаш- влакым тыланем.- саламлен спортсмен- влакым республикым вуйлатыше Юрий Зайцев.
Фото: Юрий Зайцевын ВК-же.
Фото: Юрий Зайцевын ВК-же.
