Удмуртийысе таҥасымашыште марий кучедалше-влак 6 медальым сеҥен налыныт
Удмуртийысе таҥасымашыште марий кучедалше-влак 6 медальым сеҥен налыныт. Можга олаште греко-рим кучедалмаш дене турнирышке Волжск ола гыч кучедалше- влак миеныт. Спорт событий Удмуртий, Марий Эл, Татарстан, Пермь край, Тюмень да Киров областьла, Ямало-Ненецк автоном округ гыч 200 утла спортсменым чумырен. Олимпий резерв школышто тренер- влак Серяков, Феоктистов да Сабитов дене шуаралтше рвезе- влак икмыняр наградым погеныт. Мутлан, шӧртньӧ медальым Дмитрий Дерябин, Константин Иринов, Матвей Колениченко, Артём Грецов налыныт. Егор Юшков ший, Кирилл Блатцев той медаль дене палемдалтыныт.
Фото: «Наш Волжск»
Фото: «Наш Волжск»
