«Интеграл» микрорайонышто йоча поликлиникым чоҥаш палемдыме
Йошкар-Оласе «Интеграл» микрорайонышто йоча поликлиникым чоҥаш палемдыме. Тидын нерген уверым «Проект 12» сайтыште вераҥдыме. Документ дене келшышын эмлыме вер рӱдӧ олан кечывалвел-касвел ужашыштыже яра верыште лийшаш. Ныл пачашан зданийым П буква семын чоҥат. Ик сменыште поликлинике 500 еҥым колтен кертеш. Изи пациент- влаклан тӱналтыш медико-санитар полышым пуат. Тушко профилактике, диагностике, медицина реабилитаций, таза илыш йӱлалан туныктымаш пурат. Тушто 15 верлан кечывалымсе стационар лиеш. Врач- влак смена шот дене каныш да пайрем кечылаштат приниматлат. Эмлыме тӧнежыште приемный, травматологий, рентгенодиагностике, физиотерапевт, ортопедий, эндоскопий пӧлка- влак, ЛФК пӧлка, консультатив рӱдер- влак лийшаш улыт. А 2026-шо ий 30-шо сентябрь марте Йошкар-Олаште Республикысе йоча клиник эмлыме верын 76 верлан инфекций корпусшым чоҥен пытарышаш улыт.
