Уфа олаште Марий Эл гыч книга- влак дене Башкортостаным вуйлатыше палыме лийын

Уфа олаште Марий Эл гыч книга- влак дене Башкортостаным вуйлатыше палыме лийын
            Уфа олаште Марий Эл гыч книга- влак дене Башкортостаным вуйлатыше палыме лийын. «Марий книга савыктыш» савыктыме пӧрт шке у книгаже-влакым «Китап-байрам» Тӱнямбал книга ярмингаш намиен. Мероприятий тиде кечылаште Уфа олаште эртен. Мемнан республике гыч намийыме книга- влак дене Башкортостаным вуйлатыше Радий Хабиров палыме лийын. Экспозицийыште тудлан шукерте огыл уэш савыктыме «Югорно» марий эпос нерген каласкаленыт. Книга форумыш чылаже Марий книга савыктышын шӱдӧ утла тӱрлӧ книгажым намийыме. Тӱвыра министерствын увертарымыже почеш форумышто Российысе да лишыл йот элласе савыктыш- влак участвоватлат. Программыште лӱмлӧ писатель да поэт- влак дене усталык вашлиймаш, мастар-класс, конкурс, лекций да шуко молат лийыныт.
         Фото: Тӱвыра министерстве.

Прошлые выпуски