Дмитрий Троицкий Госдумын депутатше- влаклан темлымашым ыштен

Дмитрий Троицкий Госдумын депутатше- влаклан темлымашым ыштен
             Дмитрий Троицкий Госдумын депутатше- влаклан «Ял кумдыклам комлексно вияҥдымаш» программыш ушнашлан конкурс почеш ойырен налме механизмым саемдыме шотышто темлымашым ыштен. Марий Элыште Тиде Кугыжаныш Программым шыҥдарыме жапыште 2020-шо ий гыч кум тӱжем наре квадрат метр илыме верым ыштыме, ятыр ялыш газым пуртымо, лу автомобиль корным чоҥымо. Чылаже тӱзландарыме 200 проектым илышыш шыҥдарыме. Программе почеш мероприятий- влакым шукташ 720 миллион теҥгем кучылтмо. Тушечын 620 миллионжо- федерал субсидий. Кугыжаныш думын аграрный йодыш дене комитетыштыже 2023-шо ийыште да тенийсе икымше кварталыште републикым социал-экономик велым вияҥдыме лектыш нерген парламент слушанийыште Марий Эл Правительстве вуйлатышын алмаштышыже Дмитрий Троицкий ойлен. Регионын тӱҥ сеҥымашыже семын тудо ВРП-н 4 процентлан кушмыжым, промышленный производство ден инвестицийын 14 процентлан кугеммыжым, розничный ужалкалымаш оборотын 4 утла процентлан кушмыжым, ял озанлык производствын ик утла процентлан ешаралтмыжым палемден. Аграрный секторым тушто илыше калыкын илышыжым саемдыде вияҥдаш ок лий манын. Туге гынат Марий Эл элысе продовольствий лӱдкшыдымлыкым ыштымашке путырак кугу надырым пышта, агропромышленный комплексым вияҥдаш кугу куатше уло. Марий Эл Юл кундем округышто ик еҥлан шотлымаште кайык шылым, пареҥгым да саскам ыштен налмаште икымше верым айла. Кугыжаныш программым республикыште шыҥдарыме мероприятий- влакым каҥашыме годым Дмитрий Троицкий элысе субъект- влак коклаште федерал субсидий тӧр логалже да таҥасен кертше йӧным эскераш манын конкурс почеш ойырен налме механизмым саемдаш темлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски