Марий Элым вуйлатыше, Правительстве Председатель Юрий Зайцев «Пытартыш йыҥгыр» пайрем дене саламла
Марий Элым вуйлатыше, Правительстве Председатель Юрий Зайцев «Пытартыш йыҥгыр» пайрем дене саламла. Таче лу тӱжем утла ӱдыр ден рвезе, индешымше ден латикымше класслам тунем пытарыше- влак шкевуя кугу илышым тӱҥалыт. Нунылан кӱлешан решенийым лукмо, ончыкылыкым ойырен налме пагыт толеш: профессионал корным ойырен налмаш, кӱшыл але кыдалаш тунемме тӧнежыш тунемаш пурымаш. Республикыште инженер ден техник, чоҥышо ден механик, увер технологий да ял озанлык специалист- влакым вучышо предприятий ден организаций- влак вияҥыт. Поснак самырык тукымым тазалыкаралтыш, туныктыш, социал обслуживаний аланышке кумылаҥдаш кӱлеш. Кажне ийын тунемме тӧнеж- влак паша рынкын йодмыжо почеш тунемме программым да специальность- влакым уэмден шогат. Туныктышо да ача-ава- влаклан йочам туныктымашке да шуарымашке пыштыме надырыштлан тауштем. Те йоча- влаклан куатыштым почаш полшеда, кугу пашалан кумылаҥдеда, ответственностьым шуареда. Выпускник- влаклан шке вийыштлан ӱшанаш, тӱрлӧ тӱналтышыште лектышым да сеҥымаш- влакым тыланем,- ойлалтеш Республикым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
