Йошкар-Оласе эҥер серыште зданий ден кӱвар- влакым кызытсе жаплан келшышын волталтараш тӱналыт
Йошкар-Оласе эҥер серыште зданий ден кӱвар- влакым кызытсе жаплан келшышын волталтараш тӱналыт. Архитектура волгалтарымашым уэмдаш заказчиклан муниципал заказын дирекцийже шотлалтеш. Контрактын тӱналтыш акше 24 миллионат 472 тӱжем теҥгем эртен. Паша спискыш ныл кӱвар пурен- Гоголь, Воскресенский, Театр, да Тӱҥ кӱвар- влак, тыгак Брюгге серысе визымше пӧрт. Ушештарена: тиде проект нерген апрель тӱналтышыште Йошкар-Олан мэрже Евгений Маслов ойлен ыле. Тудын мутшо почеш, серын эҥер могырлаштыже электромеҥгылаште гобо-проектор- влак вераҥдалтыт. Нуно кеч- могай зданий пырдыжеш, асфальтеш, брусчаткеш сӱретым проецироватлен кертыт. Мутлан, зданийым кугыжаныш тисте тӱс дене «чиялташ» але эҥер серым республике кӱкшытан пайремла годым калыкле тӱс дене сӧрастараш лиеш.
Фото: ВНД.
Фото: ВНД.
