Тений ял озанлык пашаеҥ- влак кӱкшӧ лектышыш шуыныт
Республикысе агропромышленный комплексын пашаче коллективше- влакын чаткан да тыршен ыштымыштлан кӧра пасушто сай лектышан шурным ончен- куштымо. Тений озанлыклаште 300 тӱжем тонн утла пырчым поген налме. Кокла лектыш ик гектарлан шотлымаште 23 центнерыш шуын. Сай лектышыш шуаш агроном- влак полшеныт: «Шойбулакский» племзаводышто Сергей Горохов, «Семёновский» племзавод гыч Виталий Бердников южо пасу гыч кокияш уржам 60 да 59 утла центнер гыч налыныт. Нунын деч фермер да кресаньык озанлык- влакат почеш кодын огытыл. Параньга гыч Пётр Якаевын кокияш шындаҥым 53 центнерым, Курык марий район гыч Никита
Бабушкинын озанлыкышт 52 центнер шожым поген налыныт. Комбайнер- влак: «Шойбулакский» гыч Андрей Лебедев, Марий Турек «Росагро» гыч Фидаил Газизов, Волжский «Москва» гыч Руслан Иванов эн шуко шурным шийын налыныт.
Кургым шапашлыше- влак ик вуй вольыклан шотлымаште 27 кормовой единице гыч аралаш пыштеныт. Шӧрым лӱштымаште 9 тылзыште эн сай доярке радамыш «Семёновский» гыч Галина Лаптева, «Первый май» колхоз гыч Надежда Иванова ден Наталья Соклакова, «Акпарс» Агрофирма» гыч Альбина Софоронова ден Галина Мухометзянова пуреныт. Нунын лӱштышышт 8 тӱжемат 500 утла гыч 7 тӱжем утла килограмм марте лийын.
Сай лектышым вольыкым ӧрдыктарымаште, бройлер чывым ончен-куштымаште, муным налмаште ончыктымо. Перерабатыватлыше промышленность, пакча- саскам ончен-куштышо- влакат шке лектышышт дене куандарат. Палемдыме кӱкшытыш шуаш манын, озанлык- влак кугыжаныш полышын чыла йӧнжымат кучылташ тыршат. Иалык тӱҥалтышыште Российын ял озанлык министерствыже приоритет отрасль- влакым кумылаҥдаш решенийым луктын ыле. Республикысе ял озанлык министерстве АПК предприятий- влаклан ик миллиардат 500 миллион теҥге бюджет оксам шке жапыштыже намиен шуктен. Тиде паша дене Марий Эл ончыл кундем- влак коклаште кая.
Бабушкинын озанлыкышт 52 центнер шожым поген налыныт. Комбайнер- влак: «Шойбулакский» гыч Андрей Лебедев, Марий Турек «Росагро» гыч Фидаил Газизов, Волжский «Москва» гыч Руслан Иванов эн шуко шурным шийын налыныт.
Кургым шапашлыше- влак ик вуй вольыклан шотлымаште 27 кормовой единице гыч аралаш пыштеныт. Шӧрым лӱштымаште 9 тылзыште эн сай доярке радамыш «Семёновский» гыч Галина Лаптева, «Первый май» колхоз гыч Надежда Иванова ден Наталья Соклакова, «Акпарс» Агрофирма» гыч Альбина Софоронова ден Галина Мухометзянова пуреныт. Нунын лӱштышышт 8 тӱжемат 500 утла гыч 7 тӱжем утла килограмм марте лийын.
Сай лектышым вольыкым ӧрдыктарымаште, бройлер чывым ончен-куштымаште, муным налмаште ончыктымо. Перерабатыватлыше промышленность, пакча- саскам ончен-куштышо- влакат шке лектышышт дене куандарат. Палемдыме кӱкшытыш шуаш манын, озанлык- влак кугыжаныш полышын чыла йӧнжымат кучылташ тыршат. Иалык тӱҥалтышыште Российын ял озанлык министерствыже приоритет отрасль- влакым кумылаҥдаш решенийым луктын ыле. Республикысе ял озанлык министерстве АПК предприятий- влаклан ик миллиардат 500 миллион теҥге бюджет оксам шке жапыштыже намиен шуктен. Тиде паша дене Марий Эл ончыл кундем- влак коклаште кая.
