Инвалид да илалше еҥ- влакым ончымо системе республикысе чыла районыштат пашам ышташ тӱҥалеш

              Инвалид да илалше еҥ- влакым ончымо системе республикысе чыла районыштат пашам ышташ тӱҥалеш. Кызыт илалше да инвалид- влакым кужу жап ончымо системе пилот проект семын вич ола округ ден районлаште ышта- Йошкар-Олаште, Волжскышто, Звенигово, Оршанке да Юрино районлаште. Шушаш ий гыч чыла районымат ушат,- увертарен оперативный совещанийыште социал вияҥмаш министр Марина Островская. Тиде проект кышкарыште социал обслуживаний комплексный рӱдерлаште инвалид- влак воктене шинчыше- влакын службыштым ыштыме. Нуно кочкаш шолтат да пукшат, вакшыш шартышым вашталтат, тазалыкыштым эскерат, медицина назначенийым шуктат. Социал пакетыш пурышо полыш спискышке гражданинлан яра пуымо 50 полыш шотлалтеш. Кызыт тыгай полышым шке пӧртыштыжӧ 200 еҥ, стационарлаште 100 утла еҥ  налеш.                     2023-шо ий нерген ойлымо годым палемдыме: кызыт 8 тӱжемат 651 еҥым тыгай полыш дене авалташ республикылан мыняр окса кӱлеш лийме  шотлалтеш. Островская рашемден: эше ныл тӱжем утла у пашаеҥ да социал обслуживаний органиазцийлаште тӱжемат пеле квадрат метр ешартыш кумдык кӱлеш лиеш. Марий Элым вуйлатышын сомылжым шуктышо Юрий Зайцев социал вияҥмаш министерствылан илалше да инвалид- влаклан кужу жап ончымо системым ыштыме шотышто пилот проектым шындарыме пашам умбакыже шуяш кӱштен.
             Фото: Марий Элым вуйлатышын организаций да аналитик виктемже.

Прошлые выпуски