«Юниор» отличий палым кучыктымо церемоний эртен
Республикыштына «Юниор» отличий палым кучыктымо церемоний эртен. «Профессионал мастарлыкым вияҥдыме агентстве Ворлдскилс Россия» коммерцийдыме автоном организаций 2021-ше ийыште «Юниор» палым ышташ темлен. Тудын дене юниор толкынын эн чолга еҥже- влакым наградитлат. Тений тиде пале дене Российыште 72 регион гыч 9-ше-11-шо класслам тунем пытарыше тӱжем наре выпускник палемдалтын. Марий Эл гыч тиде спискыш кок еҥ пурен. Тиде Провой велысе Чакмарий кыдалаш школын 9-ше классшым тунем пытарыше Михайлов Максим ден Иван Пайгатов. Нуно республикыште «Самырык профессионал- влак» 9-ше чемпионатыште 2021-ше ийыште сеҥыше улыт.
