Республикыштына Ай-Ти компаний- влаклан налог шагалемеш

               Республикыштына Ай-Ти компаний- влаклан налог шагалемеш. Марий Элым вуйлатышын сомылжым шуктышо Юрий Зайцев тиде тӱшка амалкалче-влаклан налогообложенийын куштылемдыме системыже дене изирак ставкым палемдыме шотышто законын проектшым ямдылаш кӱштен. Оперативный совещанийыште бизнеслан полышым пуымо темымат каҥашыме. Юрий Зайцевын палемдымыже почеш ятыр регионышто налогообложенийын куштылемдыме системыже кышкарыште налог нелытым иземдыме йӧн кучылталтеш. Марий Элыштат тыгай практикым кучылтмо йӧным шоналташ кӱлеш манын. Тиддеч посна бизнесыш административно темдымашым иземдаш кӱштен. Роспотребнадзорын республикысе  виктемже 2021-ше ийыште 2019-ше ий дене таҥастарымаште тергымашым кок пачаш шагалемден: кум тӱжем гыч тӱжемат пеле марте. Исполнительный кучем орган ден верласе самоуправлений орган- влакын тергымашышт тудо жапланак 31 процентлан шагалемын. Штрафын кугытшо кум пачаш иземын: кум миллион гыч 850 тӱжем теҥге марте. Кугыжаныш паша инспекций тергымашым кок пачаш шагалемден. 
             Фото: Марий Элым вуйлатышын организаций да аналитик виктемже.

Прошлые выпуски