Марий Эл гыч Шем теҥыз серыш- поезд дене
Эрла Марий Эл гыч икымше гана «Йошкар-Ола- Адлер» поезд кая. Кӱртньӧ корно вокзал гыч Шем теҥыз серыш икымше поезд 23 шагатат 50 минтулан тарвана. РЖД увертарен ыле: тудо 3-шо октябрь марте коштеш. Корнышто поезд кок кечат вич шагат да 42 минут лиеш. Адлерыш 8-ше июльын 5 шагатат 32 минтулан миен шуэш. РЖД-н сайтыштыже ончыктымо почеш плацкарт верлаште билетын акше вич тӱжемат 135 теҥге гыч тӱҥалеш, купе вагонлаште куд тӱжемат 630 теҥге гыч. Палемдена: Адлер гыч Йошкар-Олаш икымше поезд 2-шо июльын 13 шагатат 44 минутышто лектын ыле.
