Марий Элыште коронавируслан кӧра пуртымо чыла чарымаш- влакым жаплан кораҥдыме
Марий Элыште коронавируслан кӧра пуртымо чыла чарымаш- влакым жаплан кораҥдыме, тӱшка мероприятий- влакым эртараш чарак уке. Тидын шотышто указым республикым вуйлатышын сомылжым жаплан шуктышо Юрий Зайцев пеҥгыдемден. Маске режимымат кораҥдыме. Тымарте Марий Элыште 413 тӱжемат 115 еҥ прививкым ыштыктен. Кок компонентше денат 397 тӱжемат 597 еҥ вакцинироватлалтын. Марий Элыште чылаже 44 тӱжемат 737 еҥлан коронавирус диагнозым шындыме, кумытшылан- пытартыш суткаште. 43 тӱжемат 599 пациент эмлалт лектын, ик тӱжемат 87 еҥ ӱмыр лугыч лийын.
