Йошкар-Олаште магистраль уремым умбакыже чоҥат
Июльышто Йошкар-Олаште магистраль уремым чоҥымаш умбакыже шуйна. Тудо стратегический кӱлешлыканлан шотлалтеш. Тиде трассе рӱдӧ оласе корнылаште транзит транспортым шагалдемдышаш. Кызыт Ленин роспект, Карл Маркс, Вознесений, Водопроводный, Западный, Дружба уремла дене коштшо транспорт тиде магистральыш куснышаш. Тудо оласе 80 тӱжем наре еҥлан илыме микрорайон ден промышленный ужаш коклаште корным почшаш. Ушештарена: Киров ден Строитель уремлам ушышо тиде корно кок йыжыҥ дене чоҥалтеш. Икымше ужашыже шыже тӱналтышлан ямде лийшаш. Киров деч Луначарский урем марте ужаш ямде манаш лиеш. Луначарский деч Строитель урем марте ужашыже 2025-ше ийыште чоҥалтшаш. Паша калыкле проект кышкарыште шукталтеш.
