Историй кредалмашым ожнысо семын ыштен ончыктат

Историй кредалмашым ожнысо семын ыштен ончыктат
               Йошкар-Олаште 21-ше январьын историй кредалмашым ожнысо семын ыштен ончымаш лиеш. Тудым «Юл корно» клубын реконструкторжо- влак ямдылат. Мероприятий Чарла кремльыште 12 шагатлан тӱналеш. Оласе калык пу умдым кышкен кредалмашым, дружина- влакын кучедалмашыштым, Лум Орым сеҥен налмашым ончен кертыт. Тиддеч посна ончаш мийыше- влак шкеат «Патыр- влакын телымсе модмашышкышт» ушнен кертыт. 6-8 еҥан команде- влак кандырам шупшын, вӱдвара дене куржын, муш кандыра гоч тӧрштылын, пу штангым нӧлтен таҥасат.
             Фото: Чарла Кремль.

Прошлые выпуски