Историй реконструкцийым да имне спортым йӧратыше- влакым Фестиваль иктеш уша
Фестиваль историй реконструкцийым да имне спортым йӧратыше- влакым иктеш уша. Регион- влак кокласе кӱкшытан «Юл» фестивальын программыже пале лийын. Шуматкечын 24-ше сентябрьыште 10 шагатлан конкур таҥасымаш, 12 шагатлан фестивальым торжественно почмаш лиеш. 12 шагатат 15 минутлан имне дене таҥасымаш тӱналеш. Таҥасымаш коклаштак показательный выступлений, «Рыцарь роман» театрализованный представлений, ӱдырамаш шляпа конкурс- влак эртат. 14 шагатлан историй реконструкций клублан боецыштын турнирышт тӱҥалеш. Тушто умдо тоям кышкымаш, кышкыше- влакын кучедалмашышт, щит да меч кучедалмаш, команде да тӱшкан кучедалмаш лиеш. 16 шагатлан Сеҥыше- влакым саламлымаш да пайремым мучашлымаш лиеш. Юл фестиваль 24-ше сентябрьыште Медведево ипподромышто лиеш.
