«ИВолга» форум чолга самырык тукымым социал кӱлешан проектлам шыҥдараш ушен шога
«ИВолга» форум чолга самырык тукымым социал кӱлешан проектлам шыҥдараш ушен шога. Юрий Зайцев Юл кундем федерал округын «ИВолга» самырык- влак форумым ямдылыше да тушко ушнышо- влак дене вашлийын. Форумжо Самара областьыште эртен да уло эл гыч кок тӱжем наре самырык- еҥ- влакым ушен. Марий Элын делегацийыштыже 90 наре еҥ лийын. Форум тӱрлӧ 11 тренинг смене дене эртен. Марий Эл икымше гана добровольчестве дене «Миссия ДоброТы» сменын организаторжо лийын. Республикын еҥже- влак грант конкурслаште участвоватленыт, сеҥыше да финалист лийыныт. Тыгай мероприятийлашке ушнымыда Марий Эллан моткоч кӱлешан. Республике Россий мучко самырык политике дене кокымшо верыште улеш. «ИВолгышто» участвоватлымаш тиде пашнан ик лектышыже. Ме тендан тӱналтышланда ончыкыжымат полшаш тӱҥалына,- каласен Юрий Зайцев. Ӱдыр-рвезе- влак республикым вуйлатышылан шке шонымашышт, кумылышт нерген каласкаленыт. Юрий Зайцев республикын командыжлан тауштен да награде- влакым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
