Ий ӱмбач блесна дене колым кучымо республикын чемпионатшым эртарыме

Ий ӱмбач блесна дене колым кучымо республикын чемпионатшым эртарыме
               Марий Элыште ий ӱмбач блесна дене колым кучымо республикын чемпионатшым эртарыме. Коло наре колызо Коротни ял воктене Юл эҥерысе ий ӱмбак лектын. Нуно личныйыштат, командный зачётыштат таҥасеныт. Эн сайлан Йошкар-Ола гыч «Кол чӱҥгымаш» командым шотлымо. Тудын радамыштыже личный зачётышто икымше верым налше Никтиа Ершов ден тиде зачётыштак кокымшо верым налше Андрей Костерин да Павел Кочубейник лийыныт. Личный зачётышто кумшо верым Йошкар-Ола гычак Сергей Королёв налын. Тудо кумшо верым налше команде радам гыч.
             Фото: Кол кучымо спорт федераций.

Прошлые выпуски