Изи планета «Йошкар-Ола» лӱм дене 36 ий чоҥештылеш
Республикын 100 ияш лӱмгечыжым палемдыме жапыште тидат оҥай. 1984-ше ийын 8-ше ноябрьыште Тӱнямбал планета рӱдер Кече системысе 2910-шо номеран изи планетылан «Йошкар-Ола» лӱмым пуэн. Марс ден Юпитерын орбитышт коклаште верланыше планетым 1980-шо ийын 11-ше ноябрьыште СССР науко академийын Крымысе обсерваторийын сотрудникше- влак рашемденыт. А тудлан лӱмым пуымашыже мемнан ола гыч астроном-любитель, ЗПП-н инженерже А.П. Мимеев дене кылдалтын. Тудо обсерваторийын шанчыеҥже- влак дене серыш гоч кылым кучен да Йошкар-Ола нерген каласкален.
А официальный уверым планетым почшо- влак кокла гыч иктыже, обсерваторийын изи планета- влакым эскерыме программым вуйлатыше, кугурак шанче пашаеҥ, физика да математике науко кандидат Н.С. Черных колтен. Тудым «Марийская правда» газетеш савыктыме. Тиде событий Йошкар-Олалан 400 ий темме лӱмеш ышталтын.
А официальный уверым планетым почшо- влак кокла гыч иктыже, обсерваторийын изи планета- влакым эскерыме программым вуйлатыше, кугурак шанче пашаеҥ, физика да математике науко кандидат Н.С. Черных колтен. Тудым «Марийская правда» газетеш савыктыме. Тиде событий Йошкар-Олалан 400 ий темме лӱмеш ышталтын.
