Ковид черан- влаклан эмым яра пуаш тӱҥалыт

   Ковид черан- влаклан эмым яра пуаш тӱҥалыт. Марий Эл коронавирусан еҥ- влакым амбулаторно эмлаш 25 миллионат 500 тӱжем теҥгем налын. Тазалыкалартыш министерствын увертарымыж почеш, Россий Федерацийын чыла субъектше денат соглашенийым ыштыме. Тений идалык мучаш марте Моско деч посна 640 тӱжемат 500 еҥлан эмым яра пуат. Тидлан Россий правительствын резерв фондшо гыч вич миллиард теҥгем ойырымо. Республикысе тазалыкаралтыш министрын алмаштышыже Татьяна Королёван мутшо почеш, соглашений дене келшышын, идалык мучаш марте кум тӱжемат 246 еҥым эмлаш палемдыме. Тыгеже ик еҥым эмлаш шым тӱжемат 500 теҥгелан эмым ойыраш тӱҥалыт. Тиде арнян южо эмже толын шушаш. Эмым коронавирус черым пеҥгыдемдыман, амбулаторно эмлалтше пациент- влаклан пуат.

Прошлые выпуски