Марий Элыште регионым виктарыме рӱдер пашам ышташ тӱҥалын
Марий Элыште регионым виктарыме рӱдер пашам ышташ тӱҥалын. Тиде- регионысо орган- влак да калыкым ушышо ойыртемалтше площадке. Тыгай рӱдер- влак Президент Владимир Путинын кӱштымыж почеш чыла кундемыштат ышталтыт. Рӱдерым кузе пойдарыме пашам республикым вуйлатыше Александр Евстифеев ончен лектын. Рӱдер- влакым ыштымым вуйлатыше «Диалог» коммерцийдыме организацийын генеральный директоржын советникше Анатолий Курманов да пашаеҥже- влак дене мутланышыла Александр Евстифеев палемден: республикысе министерстве ден ведомство, кугыжаныш тӧнежлашке пурышо калыкын ойжо- влакым терген шогымо паша ик ий гына огыл шукталтеш. Тыгай паша лийын кертше йӧндымылыкым ужаш да ончылгоч шижтараш полша. Рӱдер республикысе мер-политик рӱдерыште верланен. Тудын тӱҥ задачыже калыкын да кундемын улшо проблемыштым тӱрыс ужаш да нунын негызеш кӱлеш шымлымаш- влакым эртарымаш, вашкылым ыштыме у механизм- влакым шыҥдарымаш. Паша тӱрлӧ муниципал образованийыште икмыняр корно дене раш коеш: тазалыкаралтыш, туныктыш, транспорт, энергетике, корно, илыме вер да коммунал озанлык, социал аралтыш да молат. Республикым вуйлатыше тыгай ӱшаным каласен: у рӱдер кундемысе калык дене вашкылын качествыжым нӧлталаш полша.
