Российын тазалыкаралтыш министерствыже Ковидым мӧҥгыштӧ эмлыме правилым вашталтен

 Российын тазалыкаралтыш министерствыже Ковидым мӧҥгыштӧ эмлыме правилым вашталтен. Тиде приказ теҥгече вийым налын. Ондак пациентым писын госпитализироватлаш кӱлешыже лийын огыл гын, тудым мӧҥгыштак эмлалташ коденыт. Тидын годым илыме верын йӧнжӧ шотыш налалтын огыл. У правил почеш, коронавирусан еҥ- влакын посна пӧлемышт уло гын да врачын чыла кӱштымыжым шуктат гын, мӧҥгыштак эмлалт кертыт. А коммуналкыште, тӱшкагудышто илыше- влакым, пачерыште илалше да хронический черан-влак дене пырля илат гын, эмлыме верыш пыштат. Тыгак у правил почеш врач- влак пациентыштлан увертарышаш улыт: тазалык начаремеш гын, медик- влакым ӱжыкташ кӱлеш. Тыгак пелен илыше еҥ- влаклан врач черланен кертме нерген умылтарышаш да вес пӧлемыште илаш темлышаш.

Прошлые выпуски