Ынде Моркыштат ГТО нормативым шуктымым тестироватлат
Морко районышто ГТО комплексын норматившым шуктымым тестироватлыше рӱдер почылтын. Российысе тыгай рӱдер- влакын реестрышкышт «Моркысо физкультура да спорт рӱдер» негызеш ыштыме тестироватлыше рӱдерымат пуртымо. Тудым Сергей Иванов вуйлата. Рӱдер Морко посёлкысо Заозёрный уремысе 1-ше А пӧрт адрес дене верлана. Ушештарена: кызыт республикыштына ГТО комплексым тестироватлыше 12 рӱдер пашам ышта.
