Школ- влакым «дистанционкыш» кусараш палемдыме огыл
Республикысе школлаште каникулым шуяш да «дистанционкыш» куснаш огыт шоно. Ковид-19 черлан кӧра кызыт тиде йодыш ятыр ача-авам тургыжландара. Республикысе туныктыш министерствын увертарымыж почеш, каникулым тӱшкан шуйымо да дистанций гыч тунемме йӧныш куснаш палемдыме огыл. Кӱлеш лиеш гын, посна школышто классым але параллельым карантиныш колтен кертыт. А черым рашемдымылан кӧра тунемме тӧнежым петырыме нерген решенийым Роспотребнадзор виктем луктеш.
