Йытын пасун кечыже эртен

Кодшо кечылаште Тверь областьысе Торжок район, Пирогово ял воктене Йытын пасун кечыже эртен. Тушто йытыным куштышо Российысе 20 регион участвоватлен. Кечын унаже семын Российысе ял озанлык министерствын, Росагролизингын еҥышт лийыныт. Марий Эл гыч Оршанкысе «Лён» агрохолдингын директоржо Михаил Крашенинников миен. Тушто ял озанлык техникым ончыктымо. Тиде- йытын кылтам коштышо, нӧшмым эрыктыше машина, трактор, йытыным кӱршӧ комбайн да молат. Тыгак элитный нӧшмӧ, кӱляш,  йытын ӱй, кинде сату да куэмым ончыкташ лукмо. Тиддеч посна пленарный сессий, йыргешке ӱстел йыр мутланымаш- влак эртеныт.

Прошлые выпуски