Йошкар-Олаште черетан район сеҥымашыжым ончыкта
Шушаш кугарнян Йошкар-Оласе «Благовещений башня» тӱвыра да ончер рӱдерыште «Марий Элын поликультурный картыже» проект кышкарыште У Торъял районын ончерже почылтеш. Экспозицийыште тӱвыра да турист сомыл, промышленность, ял озанлык, лӱмлӧ еҥ- влак, туныктымо да спорт пашаште шумо сеҥымаш- влак ончыкталтыт. Ончерым районысо марий- влакын сӱан вургемышт пойдара.
