Сергей Чавайн лӱмеш калыкле книгагудын фондыштыжо миллион утла аралыме единице уло

                  Сергей Чавайн лӱмеш калыкле книгагудын фондыштыжо миллион утла единице аралалтеш. Книгагудын пашаеҥже- влак отчёт конференцийым эртареныт. Тушто 2020-шо ийыште ыштыме пашам иктешлыме. Кодшо ийын книгагудо дене пайдаланыше- влакын чотышт 24 тӱжем еҥыш шуын. Тений икымше январьлан шотлымаште книгагудын фондшо ик миллиоант 220 тӱжем аралыме единицым эртен. Нунын кокла гыч 32 тӱжемат 181- тыже марий йылме дене. Кодшо ийын тӧнежыш 8 тӱжемат 500 экземпляр документ пурен. Тидыже планым шуктымо нерген ойла. Тӱҥ задаче семын книга памятник- влакым цифран форматыш кусарымаш, пашаеҥ- влакын квалификацийыштым нӧлтымаш кодеш,- увертара книгагудын маркетинг пӧлкаже.

Прошлые выпуски