Энергетик- влакым утларак ямде улмо режимыш кусарыме
«Рӱдӧ да Юл кундем Мариэнерго Российысе сеть- влак» предприятийын энергетикше- влакым утларак ямде улмо режимыш кусарыме. Тидыже игечын начар могырыш вашталтмыж дене кылдалтын. Филиалыште оборудованийын пашам ыштымыжым да энергообъект- влакын сомылыштым кузе шуктымыштым пеҥгыдынрак тергаш тӱҥалме. Энергетик- влак игечым чарныде эскерат, социал кӱлешан да инфраструктурын объектше- влакым посна контрольыш налме. Районлан администрацийышт да МЧС-ын подразделенийже- влак дене кӱрылтде кыл кучалтеш. Мариэнергео филиалын Штабше сутка мучко пашам ышта. Аварий лиеш гын, тудым кораҥдаш 63 бригадым ямдылыме. Тушко 232 еҥ да 91 технике пура. Электроэнергийым налме резерв вер- влакым терген лекме. Тыгайже 67 уло. Электро тул йӧрымӧ але энергообъект- влакын пудыргымышт нерген контакт-рӱдерыш 8 800 220 0 220 номеран телефон дене йыҥгырташ кӱлеш.
Фото: «Россети Центр и Приволжье Мариэнергон» калык дене кыл шотышто пӧлкаже
Фото: «Россети Центр и Приволжье Мариэнергон» калык дене кыл шотышто пӧлкаже
