«Качестван лӱдыкшыдымӧ корно» клыкле проектым шыҥдарыме дене Марий Эл ончыл регион- влак коклашке пура

«Качестван лӱдыкшыдымӧ корно» клыкле проектым шыҥдарыме дене Марий Эл ончыл регион- влак коклашке пура
             «Качестван лӱдыкшыдымӧ корно» клыкле проектым шыҥдарыме дене Марий Эл ончыл регион- влак коклашке пура. Марий Элым вуйлатыше Юрий Зайцев оперативный йодыш- влак дене совещанийым эртарен. Тушто ола ден районлаште юнармий толкыным вияҥдыме, у ий пайрем жапыште шыже- теле жапым аварий деч посна эртыме йодыш- влакым каҥашыме. Республикым вуйлатыше ондак эртыше 2023-шо ийысе паша лектышым иктешлаш темлен. Тудо палемден: икмыняр калыкле проектым шыҥдарыме дене моло кундем коклаште ончылно кая. Тиде пашаште транспорт министр Александр Герасименкон, правительство вуйлатышын алмаштышыже Александр Сальниковын сай пашаштым палемден. А Александр Герасименколан Валентина Матвиенкон кӱштымыжӧ почеш Юрий Зайцев тауштымашым кучыктен. Самырык политике комитетым вуйлатыше Станислав Игошин юнармий толкыным вияҥдыме паша нерген ойлен. Тиде толкыныш самырык- влакым ушымо дене Марий Эл Юл кундем округышто визымше верым налеш, а элна мучко 20 эн сай субъект коклаш пура. Республикыште 153 юнармий отряд пашам ышта. Ончылно Оршанке, Параньга, Марий Турек, Морко да Куженер район- влак каят.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски