Калык перепись годым икмыняр йодышыжо йылме дене кылдалтше лиеш

                     Калык переписьым эртарыме годым шочмо йылметым каласе. Калыкым возен налмаш Российыште йылмын шарлымыжым пален налме ик официальный источник гына. Перпись годым кумыт гыч визыт марте йодышыжо йылме дене кылдалтше лиеш. Тушто йылмым палем нерген гына огыл, тудым илышыште кучылтмо нергенат йодыш лиеш. Вес йодышыжо могай йылме- влакым палыме нерген лиеш, ныл вариант марте каласаш лиеш, кид йылмым палыме нерген посна возат. Эше ик йодышыжо- Тендан шочмо йылмыда манылтеш. Налме увер элысе йылме да этно культурный поянлыклан полшымо да арален кодымо сомыллан йӧным ышташ тӱҥалеш.
Фото: огни-сибири.рф

Прошлые выпуски