«Калык врач-2022» конкурсым иктешлыме

             «СОГАЗ-Мед» страховой компанийын филиалжын ямдылыме «Калык врач-2022» конкурсым иктешлыме. Тений конкурсыш республикысе 20 медицина организаций ушнен. Таҥасымаш кок номинаций дене эртен: «функционал диагностикын эн сай врачше» да «функционал диагностикын эн сай медшӱжарже». Тылзе мучко пациент- влак анкетым возеныт да эн сай врач ден медшӱжарым ойыреныт Тыге тӱжемат 100 утла анкете погынен. Эн сай врач номинацийыште икымше верыш Марий Турек рӱдӧ эмлыме верын врачше Дина Сафиуллина лектын, кокымшышто Йошкар-Оласе икымше поликлинике гыч Татьяна Мишакова, кумшышто икымше медико-санитар часть гыч Ирина Хорошаева улыт. «Эн сай медшӱжар» номинацийыште икымше верым Шернур районысо рӱдӧ элыме вер гыч Эльвира Смирнова налын, кокымшо вер дене икымше мед-санчасть гыч Алевтина Козлова, кумшо вер дене республикысе йоча клинический эмлыме вер гыч Надежда Дмитриева дене палемдалтыныт.
            Тазалыкаралтыш министерствын фотожо.

Прошлые выпуски