Карай ялыште тӱвыра Пӧртым олмыкташ сметым ямдылат

Карай ялыште тӱвыра Пӧртым олмыкташ сметым ямдылат
            Волжский районышто Карай ялыште тӱвыра Пӧртым олмыкташ сметым ямдылат. Районышто тӱвыра тӧнеж-влакын кодшо ийысе пашаштым иктешленыт. Тӱвыра, физкультура да спорт пӧлкам вуйлатыше Любовь Казакован мутшо почеш, 2022-шо ийыште верысе усталык коллектив- влак тӱрлӧ кӱкшытан 26 конкурсышто таҥасеныт. 14 еҥ республике кӱкшытан конкурсышто лауреат лийын, 8 еҥ- регион- влак кокласе кӱкшытыштӧ, кум еҥ Россий кӱкшытыштӧ ойыртемалтын да икте специальный дипломым налын. Эртыше идалык мучко тӱвыра тӧнежлаште 128 клуб тӧнеж пашам ыштен. Тушто тӱжемат 520 еҥ участвоватлен. Совещанийыште палемдыме: тений Карай ялыште тӱвыра пӧртым олмыкташ документым ямдылаш, Приволжский тӱвыра пӧртлан мебель ден оборудованийым налаш, мероприятий- влакым эртараш  автоклуб дене 30 утла гана лекташ палемдыме. Тӱвыра министр Константин Иванов районысо тӱвыра тӧнеж- влакын пашаштым сайын аклен, клуб- влакын материально- технический базыштым саемдаш федерал программылашке ушнаш ӱжын ойлен.
           Фото: Тӱвыра министерстве.

Прошлые выпуски