Килемарыште у храм почылтын
Килемарыште у храмлан шнуй шӱлышым пуртеныт. Кодшо кечылаште Килемар посёлкышто кермыч дене чоҥымо Пророк Илия лӱмеш у храмым освятитлыме. Тиде чиным Йошкар-Олан да Марий Элын митрополитше Иоанн ден Альметьевск ден Бугульман епископшо Мефодий вуйлатеныт. Престоллан шнуй шӱлышым пуртымо деч вара икымше Юмын литургий эртен. Йошкар-Ола епархийын увертарымыж почеш, тиде храмын историйже кугу. Тудлан икымше негызым 100 ий ончычак пыштыме улмаш.
