Республикыштына Россий кӱкшытан «ОБЖ» виш урок эртен

Теҥгече республикыштына Россий кӱкшытан «ОБЖ» виш урок эртен. Октябрь гыч Марий Элыште Граждан оборона месячник тӱҥалын. Тудо Российысе граждан обороным ыштымылан 88 ий теммылан пӧлеклалтын. Школлаште йоча- влакым да персоналым вучыдымо ситуаций деч аралаш да сигнал йоҥгымо годым мом ышташ кӱлмӧ радам шотышто тренировкым эртарыме. Тылзе мучко республикыште теме почеш ончер, практик занятий, пожар частьлашке, утарыше службылашке экскурсий эртаралтеш. Тиддеч посна граждан оборонын вийжын, утарыше формирований- влакын  ямде улмыштым тергат, электроэнергетике организаций, верысе самоуправлений орган- влак дене тунеммашым эртарат. Тидын годым чыла санитар нормо тӱрыс шукталтшаш.

Прошлые выпуски