Йошкар-Олаште эн уста педагог- влакын лӱмыштым каласат
Йошкар-Олаште эн уста педагог- влакын лӱмыштым каласат. Таче Константинов лӱмеш руш академический драма театрыште Туныктышын тӱнямбал кечыжлан пӧлеклалтше мероприятий эрта. Тушто Марий Эл Правительстве председательын икымше алмаштышыже Михаил Васютин, туныктыш министр Наталья Адамова, тӱвыра министр Константин Иванов, верысе самоуправлений органлам вуйлатыше, туныктымо тӧнеж- влакын вуйлатышышт да педагогышт, туныктымо паша ветеранже- влак лийыт. Туныктыш министерствын увертарымыж почеш, Погынымаште «Марий Элысе туныктышын эн сай пашаеҥже» Чап лӱмым пуымо эн уста туныктышо- влакын лӱмыштым ойла да Правительствын Чап Грамотыж ден республикым вуйлатышын тауштымашыжым кучыктат. Вич туныктышо премийым пуаш эртарыме конкурсышто сеҥышыш лекме нерген дипломым налеш. Поыгыншо- влаклан пӧлек семын Руш театрын «Сотворившая чудо» спектакльжым ончыктат.
Республикысе туныктышо- влак класс вуйлатыше семын тыршымыштлан икымше ешартыш оксам налыныт. Туныктышын кечыже вашеш республикысе кум тӱжемат 893 туныктышо классым вуйлатымылан вич тӱжем теҥге гыч окса полышым налыныт. Тудым сентябрь гыч тӱлаш тӱҥалме да кажне тылзын пуаш палемдыме. Тиде окса регионысо надбавке деке ешарен пуалтеш. Таче кечылан ешартыш оксам ныл тӱжем наре туныктышо налеш. Окса федерал бюджет гыч ойыралтеш. Тенийлан 105 миллионат 700 утла тӱжем теҥгем колтымо, 2021-ше 2022-шо ийлан 740 миллионым ойыраш палемдыме.
Республикысе туныктышо- влак класс вуйлатыше семын тыршымыштлан икымше ешартыш оксам налыныт. Туныктышын кечыже вашеш республикысе кум тӱжемат 893 туныктышо классым вуйлатымылан вич тӱжем теҥге гыч окса полышым налыныт. Тудым сентябрь гыч тӱлаш тӱҥалме да кажне тылзын пуаш палемдыме. Тиде окса регионысо надбавке деке ешарен пуалтеш. Таче кечылан ешартыш оксам ныл тӱжем наре туныктышо налеш. Окса федерал бюджет гыч ойыралтеш. Тенийлан 105 миллионат 700 утла тӱжем теҥгем колтымо, 2021-ше 2022-шо ийлан 740 миллионым ойыраш палемдыме.
