Самара олаште дзюдо кучедалмаш дене регион кокласе кӱкшытан турнир эртен
Эртыше шуматкечын Самара олаште дзюдо кучедалмаш дене регион кокласе кӱкшытан турнир эртен. Тушко 14 кундем гыч 16 ияш марте тӱжемат 100 спортсмен миен. Сеҥыше- влак радамыш Марий Эл гычат самырык дзюдоист- влак логалыныт. 14-16 ияш- влак коклаште 60 килограмм марте нелытан- влак радамыште Марий Турек гыч Данил Коржавин кокымшо верым сеҥен налын. Тыгаяк верыш 40 киллограмм марте нелытан- влак коклаште Аделина Хайруллина лектын. 57 кило марте нелытан коклаште Анастасия Блинова той медальым налын. Рвезе- влак коклаште 42 килограмм нелыт дене Морко гыч Глеб Алексеев икымше верыш лектын, Роберт Казарян кумшо лийын. 8-9 ияш- влак коклаште Михаил Свинцов ший медаль дене палемдалтын.
