Йошкар-Оласе эмлыме верыш 54 миллион теҥгеаш оборудованийым кондат
Йошкар-Оласе эмлыме верыш 54 миллион теҥгеаш оборудованийым кондат. Кызыт эмлыме верыште вӱргорным шымлыме Азурион «Филиппс» ангиографический системым вераҥдаш пӧлемым пужен ыштат. Тазалыкаратыш министерствын увертарымыж почеш оборудованийым ноябрь-декабрьыште «Шӱм да вӱргорно чер дене кучедалмаш» регионысо проект кышкарыште кондат. Ангиографий система вӱргорно системым рентген дене кумдан шымылме у тукымлан шотлалтеш. Тудо процедурым писын да ӱшанлын шукташ полша, Регионысо сосудистый рӱдерын специалистше- влаклан пашам ышташ йӧнан лиеш.
