Таче илаше- влакын Тӱнямбал кечышт палемдалтеш

Таче илаше- влакын Тӱнямбал кечышт палемдалтеш
                Таче илаше- влакын Тӱнямбал кечышт палемдалтеш. Республикыштына калыкын ик чырык ужашыже илалше- еҥ- влак улыт. Тазалыкаралтыш тӱнямбал организацийын классификацийже дене келшышын илалше-влаклан  60 гыч 74 ияш марте еҥ- влак шотлалтыт. Шоҥгыеҥ радамыш 75 гыч 89 ияш марте еҥ- влак пурат, кужу ӱмыранлан 90 ияш да кугурак еҥ- влакым шотлат. Тений икымше январьлан шотлымаште 2020-шо ийысе калык перепись почеш республикыште 168 тӱжемат 100 еҥ 60 да кугурак ийготанлан шотлалтыныт. Тидыже тӱшка калык деч 25 процент лиеш,- увертара Маристат. 2022-шо ийыште ойырен эскерыме почеш пашам ыштен кертше ийготан 18 процент респондент чолга илыш йӱлам кучен, 15 процент наре театрыш, 18 процент концертыш, 35 процент юмын йӱла тӧнежлаш, 16 процент кафе, бар, рестораныш коштын. Йодыштмо кокла гыч 34 процентше турист але экскурсий корныш лектын. Тиддеч посна 60 ияш да кугурак- влак коклаште интернет дене пайдаланыше- влак ешаралтмаш палдырна. 2023-шо ийыште тиде показатель 21 утла процент лийын. Тыгак йодыштмо 60-69 ияш- влак кокла гыч 98 процентше республикыште илаш келша манын, а эше кугурак ийготан- влак тӱрысынек келша манын ойленыт.
             Фото: источник photogenica, автор serezniy

Прошлые выпуски