«Илыме инфраструктура» калыкле проектыш 9 федерал проект пура

«Илыме инфраструктура» калыкле проектыш 9 федерал проект пура
               «Илыме инфраструктура» калыкле проектыш 9 федерал проект пура. Теҥгече Марий Элым вуйлатыше Юрий Зайцев Россий Федерацийын Кугыжаныш советшын «Илыме инфраструктура» корно дене комиссийжын заседанийыштыже участвоватлен. Тудо видеоконференций режим дене эртен. Заседанийыште Россий Правительстве Председательын алмаштышыже Марат Хуснуллин лийын. Тудо палемден: калыкле проектыш пытартыш жапыште шкеныштым сайын ончыктышо механизм- влакым чумырымо. Вице-премьер кажне корно дене регион- влаклан шуаш кӱлмӧ цель нерген радамлын ойлен. Калыкле проект кышкарыште 12 федерал проектым илышыш шыҥдараш палемдыме. Марий Эл республике 9 федерал проектышкыже ушнаш шона. Кок проектше дене субъект- влаклан мероприятийым эше палемдыме огыл. Марий Элыште объект- влакым чоҥаш, пужен ышташ да капитально олмыкташ палемдалтеш. Программе вӱд пуч- влакым да вӱдым ситарыме системым уэмдымашым, Йошкар-Оласе энер серым, автомобиль корнылам чоҥымашым (тышкак шуко шочшан еш- влаклан ойырымо участкыла деке корно пура), тӱшка транспортым уэмдымаш, аварийный пӧртла гыч калыкым кусарымашым да молымат авалта.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски