Киров кундем дене Марий Эл коклаште чекым рашемдыме шотышто соглашенийым пеҥгыдемдыме
Киров кундем дене Марий Эл коклаште чекым рашемдыме шотышто соглашенийым пеҥгыдемдыме. Шке кидпалыштым Марий Элым вуйлатышын пашажым шуктышо Юрий Зайцев ден Киров областьын губернаторжын пашажым шуктышо Александр Соколов пыштеныт. Документым пеҥгыдемдыме церемоний Яранскыште эртен. Юрий Зайцев палемден: тиде кӱлешан манын шотлем. Мемнан Киров кундем дене эн кужу чекна- 550 меҥге наре шуйна, чек воктене 6 муниципал образований верланен. Кок кундемым поро пошкудо семын кыл ушен шога. Александр Соколов ешарен: Киров кундемыште ятыр марий ила, калык кокласе кылылан кугу тӱткыш ойыралтеш. Чекын кушеч эртымыже шотышто нимогай ӱчашымаш да йодыш уке. Ойпидышым пеҥгыдемдымаш регион- влак кокласе кылым да экономике вашкылым пеҥгыдемдаш полшаш тӱҥалеш манын ӱшаным каласен Юрий Зайцев.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
