Козьмодемьянск олаште уэмдыме сымыктыш школыш у мебельым кондат
Марий Элым вуйлатышын пашажым шуктышын кӱштымыжӧ почеш Козьмодемьянск олаште уэмдыме сымыктыш школыш у мебельым кондат. Андрей Эшпай лӱмеш йоча сымыктыш школ «Тӱвыра» калыкле проект кышкарыште капитально олымкталтеш. Тудым 70 процентлан ямдылыме. Тичмаш акше 21 миллион утла теҥгеш шуын. Тӱвыра министр Константин Ивановын мутшо почеш, уэмдыме сымыктыш школым ынде палашат ок лий. Монолит поясым ыштыме, шокшемдыме, кӱварым, окнам, электровоштырым вашталтыме, пырдыжым шымартыме, вашке леведышым олмыктен пытарат. Олан мэрже Михаил Козлов у оборудований ден мебельым налаш полшымылан Юрий Зайцевлан тауштен. Контрактым куд миллион теҥгелан ыштыме, сентябрь кыдал марте чыла мебельым кондышаш улыт. Марий Элым вуйлатышын пашажым шуктышо чыла пӧлемым, йоҥгыдо актовый залым ончен лектын, но график деч вараш кодмым палемден. Пашам писештарен колташ йодын.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
