Шӱкшан патыр заставе паша десантым вашлийын
Шӱкшан патыр заставе паша десантым вашлийын. У торъял районыш Йошкар-Ола, Волжск да районла гыч 30 самырык еҥ орланыше Андрей Критскийын приходшылан полшаш миен. Нуно трибунан крепостной пырдыжым чоҥаш полшеныт, Патыр пӧртлан мебельым чиялтен шымартеныт, крепость йыр мланде валым ыштеныт, кукшо пушеҥгым пӱчкеденыт, шӱкшакым кораҥденыт. Нуно тыгак вӱдым нумалын, кочкаш шолтеныт. Каналташат жап лийын: пуш дене коштыныт, спорт модмаш эртаралтын, пикш дене лӱйкаленыт, товарым туран кудалташ тунемыныт. Кастене бачышка юмын темылан каласкален, православий книгам лудыныт, юмын темылан викториныште уш-акылым тергеныт.
Фото: Марий митрополий.
Фото: Марий митрополий.
